Modlitwy wieczorne
Молитвы на сон грядущим
+ Во iмя Отца, i Сына, i Святаго Духа. Амiнь.
Господи Iсусе Христе, Сыне Божий, молитв ради Пречистыя Твоея Матере, преподобных i богоносных отец наших i всiх святых, помилуй нас. Аминь.
Слава Тебе, Боже наш, слава Тебе.
Царю Небесный, Утiшителю, Душе iстины, iже везде сый i вся iсполняяй, Сокровище благих i жизни Подателю, прииди i вселися в ны, i очисти ны от всякия скверны, i спаси, Блаже, души наша.
Святый Боже, Святый Крiпкий, Святый Безсмертный, помилуй нас. 3x
+ Слава Отцу i Сыну i Святому Духу, i нынi i присно i во вiки вiков. Амiнь.
Пресвятая Троице, помилуй нас; Господи, очисти грiхи наша; Владыко, прости беззакония наша; Святый, посiти i iсцили немощи наша, iмене Твоего ради.
Господи, помилуй. 3x
+ Слава Отцу i Сыну i Святому Духу, i нынi i присно i во вiки вiков. Амiнь.
Отче наш, Iже еси на небесiх! Да святится iмя Твое, да приiдет Царствiе Твое, да будет воля Твоя, яко на небеси i на земли. Хлiб наш насущный даждь нам днесь; i остави нам долги наша, якоже i мы оставляем должником нашим; i не введи нас во iскушенiе, но iзбави нас от лукаваго.
Тропари
Помилуй нас, Господи, помилуй нас; всякаго бо отвiта недоумiюще, сiю Ти молитву яко Владыцi грiшниi приносим: помилуй нас.
+ Слава Отцу i Сыну i Святому Духу.
Господи, помилуй нас, на Тя бо уповахом; не прогнiвайся на ны зiло, ниже помяни беззаконii наших, но призри i нынi яко благоутробен, i iзбави ны от враг наших; Ты бо еси Бог наш, i мы людiе Твоi, всi дiла руку Твоею, i iмя Твое призываем.
I нынi i присно i во вiки вiков. Амiнь.
Милосердия двери отверзи нам, благословенная Богородице, надiющиися на Тя да не погибнем, но да iзбавимся Тобою от бiд: Ты бо еси спасенiе рода христианскаго.
Господи, помилуй. 12x
Боже вiчный i Царю всякаго созданiя, сподобивый мя даже в час сей доспiти, прости ми грiхи, яже сотворих в сей день дiлом, словом i помышленiем, i очисти, Господи, смiренную мою душу от всякiя скверны плоти i духа. I даждь мi, Господи, в нощи сей сон прейти в мирi, да востав от смиреннаго мi ложа, благоугожду пресвятому iмени Твоему, во вся дни живота моего, i поперу борющия мя враги плотскiя i безпло́тныя. I iзбави мя, Господи, от помышленii суетных, оскверняющих мя, i похотей лукавых. Яко Твое есть царство, i сила i слава, Отца i Сына i Святаго Духа, ныне i присно i во вiки вiков. Амiнь.
Вседержителю, Слово Отчее, Сам совершен сый, Iiсусе Христе, многаго ради милосердия Твоего никогдаже отлучайся мене, раба Твоего, но всегда во мнi почивай. Iiсусе, добрый Пастырю Твоих овец, не предаждь мене крамолi змiинi, i желанiю сатанiну не остави мене, яко сiмя тлi во мнi есть. Ты убо, Господи Боже покланяемый, Царю Святый, Iiсусе Христе, спяща мя сохрани немерцающим свiтом, Духом Твоим Святым, iмже освятил еси Твоя ученики. Даждь, Господи, i мнi, недостойному рабу Твоему, спасенiе Твое на ложи моем: просвiти ум мой свiтом разума святаго Евангелия Твоего, душу любовию Креста Твоего, сердце чистотою словесе Твоего, тiло мое Твоею страстию безстрастною, мысль мою Твоiм смiренiем сохрани, i воздвигни мя во время подобно на Твое славословiе. Яко препрославлен еси со Безначальным Твоiм Отцем i с Пресвятым Духом во вiки. Амiнь.
Господи Боже наш, еже согрiших во дни сем словом, дiлом i помышленiем, яко Благ i Человiколюбец прости мi. Мiрен сон i безмятежен даруй мi. Ангела Твоего хранителя посли, покрывающа i соблюдающа мя от всякаго зла, яко Ты еси хранитель душам i тiлесем нашим, i Тебi славу возсылаем, Отцу i Сыну i Святому Духу, нынi i присно i во вiки вiков. Амiнь.
Господи, не лиши мене небесных Твоих благ. Господи, избави мя вiчных мук. Господи, умом ли iли помышленiем, словом iли дiлом согрiших, прости мя. Господи, iзбави мя всякаго невiденiя i забвенiя, i малодушiя, i окамененнаго нечувствiя. Господи, iзбави мя от всякаго iскушенiя. Господи, просвiти мое сердце, еже помрачи лукавое похотенiе. Господи, аз яко человiк согрiших, Ты же яко Бог щедр, помилуй мя, видя немощь души моея. Господи, посли благодать Твою в помощь мнi, да прославлю iмя Твое святое. Господи Iiсусе Христе, напиши мя раба Твоего в книзi животней i даруй мi конец благий. Господи, Боже мой, аще i ничтоже благо сотворих пред Тобою, но даждь ми по благодати Твоей положити начало благое. Господи, окропи в сердцi моем росу благодати Твоея. Господи небесе i земли, помяни мя грiшнаго раба Твоего, студнаго i нечистаго, во Царствii Твоем. Амiнь.
Господи, в покаянii приiми мя. Господи, не остави мене. Господи, не введи мене в напасть. Господи, даждь мi мысль благу. Господи, даждь мi слезы i память смертную, i умиленiе. Господи, даждь мi помысл iсповедания грiхов моiх. Господи, даждь мi смiренiе, целомудрiе i послушанiе. Господи, даждь мi терпiнiе, великодушiе i кротость. Господи, всели в мя корiнь благих, страх Твой в сердце мое. Господи, сподоби мя любити Тя от всея души моея i помышленiя i творити во всiм волю Твою. Господи, покрый мя от человiк некоторых, i бiсов, i страстей, i от всякiя iныя неподобныя вещи. Господи, вiси, яко твориши, якоже Ты волиши, да будет воля Твоя i во мнi грiшним, яко благословен еси во вiки. Амiнь.
Благаго Царя благая Мати, Пречистая i Благословенная Богородице Марие, милость Сына Твоего i Бога нашего iзлей на страстную мою душу i Твоiми молитвами настави мя на дiяния благая, да прочее время живота моего без порока прейду i Тобою рай да обрящу, Богородице Дiво, едина Чистая i Благословенная.
Ангеле Христов, хранителю мой святый i покровителю души i тiла моего, вся ми прости, елика согрiших во днешний день, i от всякаго лукавствия противнаго ми врага iзбави мя, да ни в коемже грiсi прогнiваю Бога моего; но моли за мя грiшнаго i недостойнаго раба, яко да достойна мя покажеши благости i милости Всесвятыя Троицы i Матере Господа моего Iiсуса Христа i всiх святых. Амiнь.
Кондак Богородицi
Взбранной Воеводi побiдительная, яко iзбавльшеся от злых, благодарственная воспiсуем Ти раби Твои, Богородице, но яко iмущая державу непобiдимую, от всяких нас бiд свободи, да зовем Ти; радуйся, Невiсто Неневiстная.
Преславная Приснодiво, Мати Христа Бога, принеси нашу молитву Сыну Твоему i Богу нашему, да спасет Тобою души наша.
Все упованiе мое на Тя возлагаю, Мати Божия, сохрани мя под кровом Твоим.
Упованiе мое Отец, прибiжище мое Сын, покров мой Дух Святый: Троiце Святая, слава Тебi.
Достойно есть яко воiстинну блажити Тя, Богородицу, Присноблаженную i Пренепорочную i Матiрь Бога нашего. Честнiйшую Херувим i славнiйшую без сравненiя Серафим, без iстленiя Бога Слова рождшую, сущую Богородицу Тя величаем.
+ Слава Отцу i Сыну i Святому Духу, i ныне i присно i во вiки вiков. Аминь.
Господи, помилуй. 3x
Господи Iiсусе Христе, Сыне Божий, молитв ради Пречистыя Твоея Матере, преподобных и богоносных отец наших i всiх святых, помилуй нас. Амиiнь.
Да воскреснет Бог, i расточатся врази Его, i да бiжат от лица Его ненавидящиi Его. Яко iсчезает дым, да iсчезнут; яко тает воск от лица огня, тако да погибнут бiси от лица любящих Бога i знаменующихся крестным знаменiем, i в веселii глаголющих: радуйся, Пречестный i Животворящий Кресте Господень, прогоняяй бiсы силою на тебi пропятаго Господа нашего Iiсуса Христа, во ад сшедшаго i поправшего силу диаволю, i даровавшаго нам тебе Крест Свой Честный на прогнанiе всякаго супостата. О Пречестный i Животворящий Кресте Господень! Помогай мi со Святою Госпожею Дiвою Богородицею i со всiми святыми во вiки. Амiнь.
Ослаби, остави, прости, Боже, прегрiшенiя наша, вольная i невольная, яже в словi i в дiлi, яже в вiдiнii i не в вiдiнii, яже во дни i в нощи, яже во умi i в помышленii: вся нам прости, яко Благ i Человiколюбец.
Ненавидящих i обидящих нас прости, Господи Человiколюбче. Благотворящим благосотвори. Братиям i сродником нашим даруй яже ко спасенiю прошенiя i жизнь вiчную. В немощех сущия посiти i iсцеленiе даруй. Iже на мори управи. Путешествующим спутешествуй. Православным христiаном споборствуй. Служащим i мiлующим нас грiхов оставленiе даруй. Заповiдавших нам недостойным молитися о них помилуй по велiцей Твоей милости. Помяни, Господи, прежде усопших отец i братii наших i упокой iх, iдiже присiщает свiт лица Твоего. Помяни, Господи, братii наших плiненных i iзбави я от всякаго обстоянiя. Помяни, Господи, плодоносящих i добродiлающих во святых Твоих церквах, i даждь iм яже ко спасенiю прошенiя i жизнь вiчную. Помяни, Господи, i нас, смiренных i грiшных i недостойных раб Твоих, i просвiти наш ум свiтом разума Твоего , i настави нас на стезюзаповiдей Твоiх, моли́твами Пречистыя Владычицы нашея Богородицы i Приснодiвы Мариi i всiх Твоих святых: яко благословен еси во вiки вiков. Амiнь.